Umunyapolitiki Tito Rutaremara abona ko umunsi wo kwibohora u Rwanda rwizihiza tariki ya 4 Nyakanga ufite agaciro gakomeye kurusha uw’ubwigenge wo ku wa 1 Nyakanga.
Rutaremara yabitangarije mu kiganiro yagiranye n’umunyamakuru wa The New Times cyerekeye umunsi wo kwibohora. Yagize ati: “Twaranwanye kugira ngo tubone ubwigenge, kandi twashatse kuba igihugu gifite ubwigenge. Abantu babubonye baraburwaniye.”
Uyu munyapolitiki yasobanuye ko ubwigenge bwo ku wa 1 Nyakanga bwatanzwe n’abakoloni, abo babuhaye babafasha gukora jenoside. Ati: “Bwaratanzwe, igihe bwatanzwe, abakoloni bakoranye nabo, babafasha gukora jenoside.”
Kuri we, ubwigenge si ubu, ahubwo ni ubwabonetse nyuma y’urugamba rwo kubohora igihugu. Ati: “Kuri twebwe, ubwigenge buri mu kwibohora.”
Yakomeje agira ati: “Kubera ko turi kwibohora kugira ngo tubone ubwigenge, ukwibohora kw’iki? Ko kugarura agaciro k’abantu bacu, igihugu cyacu kugira ngo twigenge, twibohore, kugira ngo twibohore muri bukungu na politiki…”
Kuri uyu wa 4 Nyakanga 2021, u Rwanda rurizihiza imyaka 27 ishize ingabo za RPA/Inkotanyi zitsinze urugamba rwo kubohora iki gihugu rwatangiye mu 1990 rukarangira ku itariki nk’iyi mu 1994.
