Ingabo z’u Rwanda (RDF) n’iza Mozambique (FADM) zigaruriye agace ka Awasse kari mu ntara ya Cabo Delgado kose, kari kakirimo abarwanyi b’umutwe w’iterabwoba wegamiye kuri Isilamu.
RDF na FADM nyuma yo kwigarurira aka gace kose, beretse abahagarariye ingabo z’ibindi bihugu ziri muri Mozambique ibyo bambuye aba barwanyi birimo intwaro, banabamurikira ahatunganyirizwa umuriro w’amashanyarazi naho hari harafashwe n’aba barwanyi.
Awasse ni agace karimo ibirindiro bya RDF. Bahatangiye urugamba tariki ya 24 Nyakanga 2021 nk’uko byatangajwe n’Umuvugizi wayo, Col. Ronald Rwivanga mu kiganiro yagiranye n’itangazamakuru tariki ya 29.
