Abofisiye bakuru babiri mu ngabo za Repubulika ya Demukarasi ya Congo; Major Rimenze Kangingo Bisimwa na Captain Mukando Muzito Paulin kuri uyu wa 9 Kanama 2021 bagejejwe imbere y’urukiko rwa gisirikare rwa Goma.
Maj Bisimwa na Capt. Muzito bagaragaye barwanira ku kibuga cy’indege mpuzamahanga cya Goma tariki ya 3 Kanama 2021, bafatwa amashusho asakazwa ku mbuga nkoranyambaga.
Biravugwa ko icyo bapfuye ari uko Maj. Bisimwa wari wasinze yari amaze guha Capt. Bisimwa itegeko ritamunyuze, batangira gutukana, bigera aho bafatana mu mashati, bararwana.
Aya mashusho agaragaza Capt. Muzito yaryamishije hasi Afande we, Maj. Bisimwa, yamurushije imbaraga. Abandi basirikare bagerageza kubakiza ariko uyu wari wasinze aba ashaka gukomeza kurwana, ari nako bombi baterana amagambo.
Abasirikare bumvikana babwira Maj. Bisimwa bati: “Tuza Mzee, tuza Mzee” ariko uyu ofisiye abima amatwi.
Iki gikorwa cyasuzuguje igisirikare cya RDC cyatumye aba bofisiye bombi bahita batabwa muri yombi, mu gihe hari hatangiye iperereza kuri iyi myitwarire.
Muri uru rubanza, bombi bireguye, buri wese asobanura impamvu yarwanye. Barashinjwa icyaha cyo gukubita no gukomeretsa ku bushake, kuri Capt. Muzito hiyongeraho icyo gukubitira mu ruhame umukuriye.
Abacamanza bazatanga umwanzuro nyuma y’iminsi itanu bumvise ubwiregure bwa buri wese.
2 Responses
Goma: Major na Captain bagejejwe mu rukiko nyuma yo guterana amakofe
Shame on them
Goma: Major na Captain bagejejwe mu rukiko nyuma yo guterana amakofe
Shame on them