Leta y’u Burundi yakiriye impunzi za mbere z’Abarundi 265 zari zarahungiye muri Uganda mu 2015 ubwo igihugu cyari kirimo ibibazo by’umutekano muke waterwaga n’umwuka mubi wa politiki.
Minisiteri y’ubutegetsi, umutekano n’iterambere ry’abaturage mu Burundi, yatangaje ko izi mpunzi (zirimo: abagabo, abagore n’abana) zakiriwe ku mupaka wa Kobero mu ntara ya Muyinga kuri uyu wa 4 Ukwakira 2021.
Iyi Minisiteri ivuga ko icyiciro cya kabiri cy’impunzi z’Abarundi ziba muri Uganda kizagera ku mupaka wa Kobero tariki ya 18. Iti: “Icyiciro cya kabiri gitegerejwe tariki ya 18/10/2021.”
Impunzi ziba muri Uganda zitangiye gucyurwa nyuma y’umwaka urenga zibisezeranyijwe, zarategereje amaso yaraheze mu kirere. Ibindi bihugu birimo: u Rwanda, Tanzania, Kenya na Congo byo bigeze kure bizohereza.
