Minisitiri w’Ububanyi n’Amahanga wa Uganda, General Jeje Odongo ari mu Rwanda kuva ejo ku wa 25 Ukwakira 2021.
Akigera mu Rwanda, General Odongo yakiriwe na Minisitiri w’Ububanyi n’Amahanga n’Ubutwererane, Dr Vincent Biruta.
Mu butumwa yanyujije kuri Twitter, uyu munyapolitiki wabaye umusirikare yasobanuye ko yaje kwitabira inama y’abaminisitiri b’ibihugu bigize umuryango wa Afurika yunze ubumwe, AU n’ab’umuryango w’ubumwe bw’Uburayi, EU.
Iyi nama yatangiye kuri uyu wa 25 irarangira uyu munsi. Ba Minisitiri baturutse mu bihugu bigera kuri 60 baraganira ku bufatanye bw’ibihugu bigize iyi miryango mu iterambere.
