Minisitiri w’Umutekano w’Imbere n’iterambere ry’abaturage, Gervais Ndirakobuca yirukanye umuryango witwa Alliance in Motion (AIM) Global mu Burundi awushinja gukora ibihabanye n’intego yayo.
Itangazo Minisitiri Ndirakobuca yashyizeho umukono tariki ya 19 Ukwakira 2021, risobanura ko impamvu y’ihagarikwa rya AIM Global ari uko ku ruhande rumwe ikora nka ASBL, ku rundi ruhande igakora nk’umuryango w’ubucuruzi.
Minisitiri Ndirakobuca yasabye ba Guverineri b’intara n’ubuyobozi bw’umujyi wa Bujumbura kugenzura niba AIM Global itakibarizwa mu Burundi nk’uko yabitegetse.
Uyu muyobozi yaherukaga kuburizamo isabukuru y’imyaka ibiri uyu muryango wari kwizihiriza i Bujumbura tariki ya 17 Ukwakira 2021, bitewe n’uko ngo ukora mu buryo bubiri buteye urujijo.
