Menya imishahara ya ba ofisiye mu Gisirikare cya Leta Zunze Ubumwe za Amerika

Akazi ka gisirikare usibye gukunda igihugu no kwiyemeza kukirwanira utitaye ku mushahara uzagakuramo, hari bamwe bagafata nk’akazi gakorwa n’abantu babuze akandi kazi, ariko ni kamwe mu kazi kinjiza amafaranga menshi hagendewe ku kuntu ugakora agenda azamuka mu ntera cyane cyane mu bihugu byateye imbere nk’uko tugiye kubereba mu Gisirikare cya Amerika nk’uko tubikesha topbunt.com

O-10 : 16 608,30 $ / ku kwezi

Abajenerali mu gisirikare cyo ku butaka, ikirwanira mu mazi, ikirwanira mu kirere cyangwa mu isanzure, cyangwa ba Admiral mu ngabo zirinda inkombe cyangwa amazi ni ingero z’abasirikare bageze ku rwego rwa O-10, bivuze ko ari bo binjiza amafaranga menshi kurusha abandi mu gisirikare. Kuri uru rwego ururiho aba yiteze umushahara w’amadolari 199,299.

O-9 : Hagati ya 16 012,50 $ / ku kwezi na 16 608,30 $ / ku kwezi

Mu gisirikare, abazamuka ku rwego rwa liyetona jenerali cyangwa visi-admiral mu ngabo zirwanira mu mazi, Ingabo zirwanira mu kirere, Ingabo zirwanira mu isanzure, ndetse no mu barinda inkombe n’amazi, bahembwa neza. Abamaze hejuru y’imyaka 26 mu kazi bashobora kubona amadolari 199,299 ku mwaka, umushahara utangira ukaba ari 192.150 $ ku mwaka naho umushahara munini ukaba 199,299 $ ku mwaka.

O-8 : Hagati ya 11 329,50 $ / ku kwezi na 16 333,20 $ / ku kwezi

Kubera inshingano zikomeye ziba zibari ku bitugu, ba ofisiye bo ku rwego rwa O-8 bafite umushahara munini cyane. Aba ni ba jenerali majoro mu ngabo zo ku butaka, izirwanira mu mazi, izirwanira mu kirere, abarinda inkombe n’abandi. Umushahara wo gutangira kuri uru rwego ni 135,954$ ku mwaka, ushobora kwiyongera kugeza ku 195,998$ ku mwaka ku bafite nibura imyaka 34 y’uburambe mu byo bakora.

O-7 : Hagati ya 9 414,30 $ / ku kwezi na 14 065,80 $ / ku kwezi

O-7 ni urwego rwo hejuru rugerwaho n’abantu batoranijwe gusa. Aha habarizwamo ba Burigadiye Jenerali mu ngabo zo ku butaka, izo mu mazi, mu kirere no mu isanzure, ndetse na ba Admiral mu ngabo zirinda inkombe n’abarinda amazi. Abasirikare bafite uburambe buke cyangwa badafite uburambe bashobora kwitega kubona umushahara w’imibare itandatu, umushahara fatizo utangirira 112,971$ ku mwaka. Mu gihe ufite uburambe bw’imyaka 30 ahembwa 168.789.60$.

O-6 : Hagati ya 7 139,10 $ / ku kwezi na 12 638,40 $ / ku kwezi

Ba colonel mu ngabo zisanzwe, Ingabo zirwanira mu mazi, Ingabo zirwanira mu kirere, hamwe n’abo mu isanzure, hamwe n’abasirikare barinda inkombe n’abarinda amazi babarizwa ku rwego O-6. Inzira igana kuri iyi ntera ntabwo yoroshye, ariko barugezeho bahembwa neza kubera imbaraga zabo. Kuri uru rwego bahembwa $ 85,669 ku mwaka nk’umushahara utangira, n’ubushobozi bwo kwinjiza amadolari 151.660.80 nyuma y’imyaka 30 bakora.

O-5 : Hagati ya 5 951,40 $ / ku kwezi na 10 111,20 $ / ku kwezi

Abasirikare bo mu rwego rwa O-5 ni ba ofisiye bari mu rwego rwo kuyobora. Ni ba Lt. Colonel mu ngabo, abarwanira mu mazi, mu kirere no mu isanzure, Kimwe n’abashinzwe umutekano ku nkombe no mu mazi. Abari ku rwego rwa O-5, batitaye ku kazi kabo, bahembwa neza kubera ubumenyi n’ubuhanga. Mu mwaka wa mbere w’akazi muri iki cyiciro, abafite uburambe buke cyangwa badafite uburambe bashobora kwitega kwinjiza $ 71.416 ku mwaka, mu gihe abafite uburambe bw’imyaka irenga 22 bashobora kwitega kwinjiza amadorari 121.334 ku mwaka.

O-4 : Hagati ya 5 135,10 $ / ku kwezi na 8 573,70 $ / ku kwezi

Majoro mu gisirikare, urwanira mu mazi, mu kirere no mu isanzure, na ba captain batwara amato arinda inkombe n’abarinda amazi, bari mu wego rwa O-4. Nubwo ari gake, abantu bamwe bashobora byoroshye kugera ku rwego rwa O-4 badafite uburambe bwa gisirikare. Abasirikare bari kuri uru rwego rwa O-4 bashobora kwitega kubona umushahara w’umwaka ungana n’Amadolari 61,621. Abafite uburambe nibura bw’imyaka 18, ku rundi ruhande, bahembwa umushahara w’imibare itandatu, umushahara mpuzandengo w’umwaka wa $ 102,884.

O-3E : Hagati ya 6 022,80 $ / ku kwezi na 7 839 $ / ku kwezi

Nubwo waba ufite uburambe bw’imyaka mike, kapiteni cyangwa liyetona wo ku rwego rwa O-3E ashobora kwitega umushahara mwiza muri iyi myanya. Abagize uru rwego bashobora kwinjiza amadolari agera kuri 72.273.60 ku mwaka mu mwaka wa mbere w’akazi. Kandi uyu mushahara ntaho uhuriye n’uwo abasirikari b’inararibonye bashobora kubona. Umushahara ushobora kugera ku $ 94,068 ku mwaka ku bafite uburambe bw’imyaka 18.

O-3 : Hagati ya 4 514,70 $ / ku kwezi na 7 345,20 $ / ku kwezi

Urwego rwa O-3, rubarizwamo abasirikare b’ipeti rya capitaine mu ngabo, ingabo zirwanira mu mazi, mu kirere no mu isanzure, ndetse n’ipeti rya liyetona mu ngabo zirinda inkombe n’amazi n’abandi. Birashoboka kugera kuriyi ntera nubwo waba udafite uburambe runaka. Ku rundi ruhande, umushahara uratandukanye gato. Abo muri iki cyiciro (O-3) badafite uburambe barashobora kwitega kwinjiza $ 54.176.40 ku mwaka, mugihe abafite uburambe bw’imyaka 14 byibuze bashobora kwinjiza amadolari agera ku 88.142.40 ku mwaka, hakurikijwe impamyabumenyi zabo.