Inyeshyamba ya Mai-Mai yishe bagenzi bayo bane kuwa Kabiri ushize, itariki 02 Ugushyingo 2021 ahitwa Kyasenda, agace gaherereye muri Komini Kibirizi, muri Teritwari ya Rutshuru, muri Kivu y’Amajyaruguru.
Uyu wishe bagenzi be nawe yishwe kuwa Gatatu n’ingabo za FARDC.
Amakuru yageraga kuri 7sur7.cd yatanzwe na burugumesitiri w’iyi komini, Déogratias Kimathe, yavugaga ko inyeshyamba za Mai-Mai zicanye.
Ati “ Hari Mai-Mai yishe bagenzi bayo bagera kuri bane. Muri iki gitondo abasirikare ba FARDC bagiye kumushaka nawe araraswa. Imibare ni bane bishwe ejo (kuwa Kabiri, n’umwe wishwe uyu munsi na FARDC.”
Yongeyeho ko nta mirwano yabaye ahubwo ari ubwumvikane bucye hagati ya ba Mai-Mai bicanye.
Teritwari ya Rutshuru n’imwe muzidatekanye kurusha izindi muri Kivu y’Amajyaruguru ikunze kumvikanamo ibikorwa byo gushimuta usibye ubwicanyi bikorwa n’imitwe yitwaje intwaro.
