Kuri iki Cyumweru, itariki 12 Kamena 2022, Umwami Philippe wa II n’Umwamikazi Mathilde b’u Bubiligi bageze i Bukavu, umurwa mukuru wa Kivu y’Amajyepfo banyuze ku kibuga cy’indege cya Kavumu.
Bavuye mu ndege, bakiriwe na Minisitiri w’Intebe Sama Lukonde na Guverineri wa Kivu y’Amajyepfo, Théo Ngwabidje Kasi, n’abandi bagize guverinoma y’igihugu ndetse n’intara.
Muri gahunda ye, Umwami Philippe II arateganya kugirana ikiganiro na Dr. Dénis Mukwege, wahawe igiembo Nobel cy’amahoro muri 2018, ku bitaro bya Panzi.
Azabonana kandi n’Ababiligi baba i Kalambo mu karere ka Kabare, nkuko byatangajwe na Perezidansi.
Iyi nkuru dukesha 7sur7.cd iributsa ko Umwami Philippe aherekejwe n’umwamikazi Mathilde, Minisitiri w’intebe, Alexander De Croo na bamwe mu baminisitiri ba guverinoma y’u Bubiligi.
Umwami Philippe n’Umwamikazi Mathilde bageze i Kinshasa ku wa kabiri, itariki ya 07 Kamena, bakaba bageze i Bukavu, nyuma y’iminsi 2 bari bamaze i Lubumbashi muri Haut-Katanga.
