Ubushinjacyaha ku rwego rwisumbuye rwa Huye bukurikiranye umugore w’imyaka 50 ukekwaho kuba yarishe umugabo we w’imyaka 50 amukubise isuka, mu rugo rwabo ruherereye, mu Mudugudu wa Kigarama, Akagari ka Kabusanza, Umurenge wa Simbi, Akarere ka Huye.
Ni icyaha Ubushinjacyaha Bukuru dukesha iyi nkuru buvuga ko cyakozwe ku itarikiya 17 Kamena 2022.
Mu ibazwa rye, ukekwa avuga ko yamukubise igifunga mu mutwe, nyuma yo gutongana bapfuye amafranga 3500 umugore yari yamuhaye ngo agure amategura yo gusakara inzu akayanywera.
Icyaha cy’ubwicanyi akurikiranyweho kiramutse kimuhamye yahanishwa igifungo cya burundu, nk’uko giteganywa kandi kigahanishwa ingingo ya 107 y’Itegeko nº 68/2018 ryo ku wa 30/08/2018 riteganya ibyaha n’ibihano muri rusange
