Isosiyete y’indege ya Brussels Airlines yatangaje ko itagishoboye guhuza Kinshasa na Bruxelles nk’uko tubikesha urubuga interview.cd rwo muri Repubulika ya Demokarasi ya Congo.
Nk’uko iyi kompanyi y’indege ibitangaza, iki cyemezo kizatangira gukurikizwa kugeza hagati muri Nzeri, cyafashwe kubera impamvu z’ibura ry’amavuta yo gukoresha ku kibuga cy’indege cy’umurwa mukuru wa Repubulika ya Demokarasi ya Congo.
Iyi kompanyi y’indege ivuga ko: “litiro 35.000 ntarengwa kuri toni 28 za kerosene ku ndege, zashyizweho n’abashinzwe gutanga peteroli mu ndege, kuri ubu zikurikizwa kugeza hagati muri Nzeri”.
Twabibutsa ko iki cyemezo cyafashwe nyuma y’ihagarikwa ry’indege (SN358) yari igiye kuva i Kinshasa ijya i Buruseli bikaba ngombwa ko abagenzi nibura 300 basubira muri hotel i Kinshasa.
Brussels Airlines ikaba irimo gushaka uko yajyana abagenzi yari igiye gutwara mu Bubiligi, mu gihe izindi ndege zenda kuva I Kinshasa zijya ku Kibuga cy’indege cya Buruseli zisa nk’izuzuye.
