Sosiyete Nyarwanda y’ubwikorezi bwo mu kirere, Rwandair, kuri ubu ikoresha indege 12, (Airbus A330-300 imwe, Airbus A330-200 imwe, Boeing 737-800 enye, Dash 8-400 ebyiri, CRJ900ER ebyiri, na Boeing 737-700 ebyiri) zikora ingendo ahantu 29 muri Afurka, u Burayi, Uburasirazuba bwo Hagati na Aziya, kandi ni imwe muri sosiyete z’indege zizamuka byihuse ku mugabane wa Afurika .
Reba indege Rwandair ikoresha kugeza ubu mu mafoto:
Rwandair ifite Bombardier CRJ900ER ebyiri itwara abagenzi 75
Ifite Boeing 737-700 ebyiri itwara abagenzi 120
Ifite Bombardier Dash 8-400 ebyiri itwara abagenzi 67
Ifite Airbus A330-200 imwe izwi nka “Ubumwe” itwara abagenzi 244
Ifite Airbus A330-300 imwe izwi nka “Umurage” itwara abagenzi 274
Ifite Boeing 737-800 enye harimo izwi nka Muhabura n’izwi nka Kalisimbi zitwara abagenzi 154
Mu nama heruka ya 78 y’Ishyirahamwe Mpuzamahanga ry’amasosiyete y’ubwikorezi bwo mu kirere (IATA 2022 AGM) yabereye i Doha, muri Qatar, hatangajwe ko Umuyobozi mukuru wa RwandAir, Yvonne Makolo agomba kuzagirwa umuyobozi wa mbere w’umugore w’Inama y’Ubutegetsi y’iri shyirahamwe. Azashyirwaho muri 2023 mu nama nk’iyi izabera ku ya 4-6 Kamena 2023, mu Mujyi wa Istanbul muri Turkiya.
Sosiyete ya Rwandair yashinzwe ku itariki ya 01 Ukuboza mu 2002, itangira ibikorwa byayo ku itariki ya 27 Mata 2003 ikoresha izina rya Rwandair Express ryaje guhindurwa mu 2009 rigasigara ari Rwandair gusa.
