Amakuru aturuka mu nzego z’umutekano agera ku Biro Ntaramakuru by’Abafaransa (AFP) aravuga ko “ Ku wa Gatandatu, nibura abasirikare batatu n’abafasha b’ingabo b’abasivili umunani bishwe mu gitero cyagabwe n’abakekwaho kuba abajihadiste mu majyaruguru ya Burkina Faso nk’uko tubikesha VOAAfrique .
“Igico cyakozwe na GAT (imitwe y’iterabwoba yitwaje intwaro) cyibasiye irondo rivanze ry’abasirikare n’abakorerabushake b’abasivili”, mu Mujyi wa Bouroum (mu majyaruguru). Umubare w’abahitanwe n’iki gitero ni abasirikare batatu n’abasivili umunani b’abakorerabushake mu kurina igihugu (VDP) bishwe,”nk’uko byatangajwe n’abashinzwe umutekano. Andi makuru avuga ko iyi ari imibare y’agateganyo.
Nk’uko amakuru aheruka avuga, “gukozanyaho kwabereye mu gace ka Silmangué, mu ntara ya Namentenga”. Yongeyeho ati: “Imibare y’agateganyo yerekana abantu icumi bishwe babiri bakomeretse na babiri baburiwe irengero.”
Iki gitero kibaye nyuma y’ibyumweru bibiri hahiritswe ubutegetsi bwa gisirikare ku ya 30 Nzeri, buhiritswe n’undi musirikare, Capt. Ibrahim Traoré, wahiritse Lt. Col. Paul-Henri Sandaogo Damiba, ndetse bukeye bwaho Capt. Traoré agirwa Perezida w’inzibacyuho.
