Abahinde benshi bagize uruhare mu byaha by’amafaranga muri Repubulika ya Demokarasi ya Congo (DRC) bashyizwe ku rutonde na INTERPOL, nk’uko byahishuwe kuwa Gatanu na Jean Baelongandi, umuyobozi wungirije wa Polisi ya RDC ushinzwe urwego rushinzwe ubushinjacyaha ubwo yari mu nteko rusange ya 90 ya Interpol yateraniye i New Delhi .
Komiseri mukuru wungirije, wanze gutanga ibisobanuro birambuye ku byaha byakozwe n’aba Bahinde, kubera ko iperereza riri kuba mu ibanga, yagize ati “Intumwa za DRC zahawe na Interpol urutonde rw’Abahinde bakekwaho ibyaha by’amafaranga muri iki gihugu, binyuze mu kumenyekanisha umwirondoro wabo muri serivisi zabigenewe,”
“Hakozwe kandi inama n’umugenzuzi mukuru w’imari, Jules Alingete, n’umuyobozi wa Interpol ushinzwe kurwanya ruswa no kurwanya ishami ry’ibyaha by’imari, babifashijwemo n’umuryango mpuzamahanga kuri DRC, kugira ngo bashakishe abo bagizi ba nabi mu by’imari, ”ibi bikaba byavuzwe na Jean Baelongandi nk’uko tubikesh politico.cd.
Ibihugu 194 bigize umuryango wa Polisi Mpuzamahanga byateranye kuva ku ya 18 kugeza ku ya 21 Ukwakira 2022 i New Delhi mu Buhinde, kugira ngo bishimangire ibikorwa by’ubufatanye mu gukumira ibyaha by’amafaranga na ruswa.
Intumwa za Congo muri izo nama zari zigizwe n’abayobozi bo mu bushinjacyaha, Ubuyobozi bukuru bw’abinjira n’abasohoka (DGM), Ubuyobozi bukuru bwa gasutamo (DGDA), Ibiro bishinzwe kugenzura bya Congo (OCC), na Banki Nkuru ya Congo (BCC).
Umuryango Mpuzamahanga wa Polisi washinzwe ku ya 7 Nzeri 1923 ugamije guteza imbere ubufatanye mpuzamahanga bwa polisi. Icyicaro cyawo kiri i Lyon, mu Bufaransa.
