Koreya y’Amajyaruguru n’iy’epfo zarashe misile zigwa mu mazi ku nkombe z’impande zombi bwa mbere .
Seoul yihoreye kuri uyu wa Gatatu nyuma y’amasaha atatu Pyongyang irashe misile yaguye mu birometero biri munsi ya 60 (37mi) uvuye mu mujyi wa Sokcho wo muri Koreya y’Epfo.
Igisirikare cy’amajyepfo cyavuze ko uku ari ukuvogera ubutaka bwabo “kutemewe”.
Yarashe misile eshatu mu rwego rwo gusubiza, aho abayobozi bavuga ko zageze ku ntera isa nk’iyo Koreya ya Ruguru yarashemo nk’uko iyi nkuru dukesha BBC ivuga.
Umurongo uri hagati mu nyanja utandukanya Koreya ya Ruguru na Koreya y’Epfo (NLL), ariko Amajyaruguru ntiyigeze yemera umupaka.
Ku wa Kabiri, Koreya ya Ruguru yaburiye ko Koreya y’Epfo na Amerika bizishyura “igiciro giteye ubwoba mu mateka” nibakomeza imyitozo ya gisirikare ihuriweho, ivuga ko bigaragara ko ari iterabwoba rikomeye ryo gukoresha intwaro za kirimbuzi.
Biteganijwe ko Amajyaruguru izasubukura kugerageza intwaro za kirimbuzi nyuma y’ikiruhuko cy’imyaka itanu, aho ubutasi bw’Amerika na Koreya y’Epfo buvuga ko Pyongyang yarangije imyiteguro yose ikenewe.
