Imwe mu modoka zigendana na Perezida Félix Tshisekedi kuri uyu wa Kane, itariki 8 Ukuboza, ahagana mu ma saa kumi n’imwe z’umugoroba, yagongeye umumotari hafi y’ibitaro byitwa Cinquantenaire .
Izi modoka zerekezaga kuri Boulevard yitiriwe itariki ya 30 Kamena, mu gihe umumotari wari utwaye umukiriya yageragezaga kwambuka Avenue de Liberation nk’uko tubikesha Mediacongo.net.
Iyi nkuru ivuga ko imodoka igenda imbere ishinzwe gushakira inzira perezida ari yo yagonze uwo mumotari n’umukiriya we ku muvuduko mwinshi. Abagonzwe bakaba bahavunikiye amaguru mu gihe uwari utwaye imodoka yakomeretse gato ku rutugu.
Abatangabuhamya bamaganye byimazeyo imyitwarire y’uyu mumotari wafashe icyemezo cyo kwambuka umuhanda kandi yabonye imodoka za perezida zirimo kuza ku muvuduko mwinshi.
