Ku mugoroba wo kuri uyu wa Kabiri, imijyi ya Nyamilima na Buramba, muri Gurupoma ya Binza mu bilometero bikeya uvuye Ishaha yigaruriwe na M23 nyuma yo kwirukana Maimai na FDLR bagenzuraga iyi mijyi bahungiye i Nyakakoma .
Ni nyuma y’aho kuwa Mbere, itariki 2 Mutarama, Inyeshyamba za M23 , zari zigaruriye imidugudu 3 yo muri Gurupoma ya Binza, ari yo Kisharo, Mirambi na Kamukwale, mu birometero 7 uvuye mu mujyi wa Nyamilima no mu birometero 27 uvuye ku mupaka wa Ishasha.
Sosiyete sivile yaho yerekana ko mu mudugudu wa Kisharo, inyeshyamba za M23 zasahuye imitungo y’abaturage b’abasivili mbere yo gukomeza zerekeza Ishasha aho bikekwa ko zishaka kwigarurira umupaka.
“Sosiyete sivile iraburira ku bijyanye no kujya imbere kwa M23 yerekeza ku mupaka wa Ishasha. Muri Kisharo, basahuye imitungo yose y’abaturage. Ubu barashaka gufata Ishasha, ”iyi ni sosiyete sivile nk’uko iyi nkuru ukesha Politico.cd ivuga.
Ibi biravugwa nyuma y’iminsi mike ingabo za EAC zisabye umutwe wa M23 kuva mu mujyi wa Rumangabo na Kishishe bitarenze ejo ku itariki ya 5 Mutarama.
