Polisi iri gukora iperereza kuri dosiye y’abasirikare ba UPDF baraye bagabye igitero kuri sitasiyo ya polisi muri Ndejje, mu Karere ka Wakiso maze bagatunga abapolisi imbunda mbere yo gufungura bagenzi babo (abasirikare) bari bafunzwe bashinjwa gushinga bariyeri zitemewe .
Kubera iyo mpamvu, kuri sitasiyo ya Polisi ya Lumuli muri Paruwasi ya Ndejje ku muhanda wa Entebbe, mu Karere ka Wakiso, hafunguwe dosiye y’ubujura bukabije no gufasha gutoroka abakekwaho icyha bari baafunzwe byemewe n’amategeko.
Kuri uyu wa Kane, umuvugizi wungirije wa polisi mu mujyi wa Kampala, ASP Luke Owoyesigyire, yagize ati: “Turimo gukora iperereza ku bujura bukabije ndetse no gufasha abakekwa kasho yemewe n’amategeko.”
Iyi nkuru dukeshaa Chimpreports ikaba ivuga ko bivugwa ko abakekwa bari bitwaje imbunda kandi bambaye impuzankano ya gisirikare bashinze bariyeri itemewe mu mudugudu wa Kakoola muri Paruwasi ya Ndejje ku wa Gatatu ahagana saa tatu n’igice z’ijoro batangira kwambura abahisi.
Abakozweho n’ubwo bujura babimenyesheje polisi yohereje imodoka y’irondo hamwe n’abapolisi bitwaje imbunda.
Babonye imodoka ya polisi, abakekwa barashe amasasu menshi mu kirere. Ariko abapolisi bihagararaho bahangana n’abakekwa babambura intwaro.
Amakuru avuga ko abakekwaho icyaha ari Pte Job Reti na Pte Orete Were batawe muri yombi bafungirwa kuri sitasiyo ya Polisi ya Lumuli kugira ngo babazwe.
Icyagaragaye nk’intsinzi kuri polisi ariko ntabwo cyatinze kuko nyuma y’amasaha make Toyota Land Cruiser yari irimo abasirikare umunani bitwaje imbunda yageze kuri sitasiyo ya Polisi ya Lumuli, basaba ko abapolisi babashyikiriza abakekwa.
Amakuru avuga ko abapolisi banze, maze abo basirikare babatunga imbunda.
Nyuma yo kwigarurira abapolisi bose, abo basirikare basohoye bagenzi babo muri kasho ya polisi barabatwara.
Polisi ivuga ko uwari uyoboye iri tsinda ry’abasirikare ryafashije gutoroka abakekwaho icyaha ari Sgt. Tonny Opio wa UPDF n’undi witwa Pius Lutaya.
Itsinda ryafashije abakekwa gutoroka nyuma ryerekeje kuri Polisi ya Mutungo maze batanga ikirego kivuga ko abakekwa bakomeretse kandi ko bakeneye ubufasha bw’ibanze. Icyakora, ntibigeze bamenyesha abapolisi ikigo nderabuzima abakekwa bari barimo kujyanwamo.
