U Bushinwa burashinja Leta Zunze Ubumwe za Amerika gusahura umutungo wa Syria

U Bushinwa buratangaza ko “ingabo z’Abanyamerika” ziri muri Syria “zirimo gusahura” umutungo w’iki gihugu .

U Bushinwa bwashinje Amerika “ubujura” muri Syria, buvuga ko ibikorwa bimaze imyaka myinshi bya gisirikare bya Washington ndetse no “gusahura” umutungo wa Syria byashyize iki gihugu mu kaga.

Ku wa Kabiri, umuvugizi wa Minisiteri y’ububanyi n’amahanga y’u Bushinwa, Wang Wenbin, ubwo yaganiraga n’abanyamakuru, yasabwe kugira icyo avuga ku makuru aherutse gutangazwa mu bitangazamakuru byo muri Syria avuga ko ingabo za Amerika zatwaye amavuta menshi yasahuwe muri Syria ziyanyuza muri Irak mu ntangiriro z’uku kwezi.

Yakomeje agira ati: “Twatangajwe no kuba Amerika yarasahuye muri Syria… Ubujura nk’ubu bukabije bwongera ikibazo cy’ingufu ndetse n’ibibazo by’ubutabazi muri Syria.” Yakomeje avuga ko 80% bya peteroli icukurwa ku munsi muri Syria yasohowe n’ingabo za Amerika mu gice cya mbere cya 2022.

Ku ya 14 Mutarama, ikigo cya Leta ya Syria gishinzwe amakuru (SANA) cyatangaje ko “uruhererekane rw’imodoka zari zikoreye ibigega 53 byuzuye amavuta ya Syria yibwe” yavanywe mu ntara ya Hasakah yo muri icyo gihugu ajyanwa mu “birindiro by’ingabo za Amerika muri Irak,”

Iki kigo cyatangaje kandi ko amakamyo 60 y’inyongera yinjije muri Irak yikoreye amavuta n’ingano byibwe muri uku kwezi muri Syria.