Umuryango JED (Journaliste En Danger ) uratangazaa ko abanyamakuru batatu bo mu Mujyi wa Goma, muri Kivu y’Amajyaruguru, bahohotewe n’abapolisi ubwo bakurikiranaga imyigaragambyo yo kuri uyu wa Gatatu, itariki 18 Mutarama 2023 .
Ibi byatangajwe mu itangazo rigenewe abanyamakuru ryashyizwe ahagaragara kuri uyu wa Gatatu nyuma yo gutatanya abigaragambyaga bamagana ingabo za EAC zoherejwe muri Repubulika ya Demokarasi ya Congo nk’uko tubikesha Kivumorningpost.
Aba banyamakuru ni Merveille Kiro (Umunyamakuru kuri Blessing FM), Ali Asanka Darius (umunyamakuru wa VOA) na Héritier Baraka Munyampfura (umunyamakuru wa AFP), bose bakorera muri Goma, bakomerekejwe kuri uyu wa Gatatu, na Polisi ya Repubulika ya Demokarasi ya Congo, mu gihe bakurikiranaga iyo myigaragambyo.
“Ni imbere y’irembo ry’ibiro bya Guverineri abapolisi bakoresheje ibyuka biryana mu maso kugira ngo batatanye abigaragambyaga ubwo abo banyamakuru batatu bakurikiranywe ubwo bahungaga kurasa hanyuma bagakomereka kuko bari bakurikiranwe n’abapolisi mu guhunga kwabo mu mihanda yo mu gace ka Himbi…” uyu ni umuryango JED mu itangazo ryawo.
Imyigaragambyo y’abaturage yari yateguwe kuv mu cyumweru gishize haagamijwe gusaba izi ngabo za EAC gusubira iwabo kuko babona ntacyo zimaze ndetse bazishinja gukorana na M23.
