Umupilote wo muri Nouvelle-Zélande yafashwe bugwate n’inyeshyamba zo mu karere ka Papua gaharanira ubwigenge .
Mehrtens w’imyaka 37 yafashwe nyuma y’uko indege ye yari itwaye abagenzi batanu yaterwaga nyuma yo kugwa mu ntara yitaruye y’imisozi ya Nduga.
Abamushimuse, bo mu mutwe wa West Papua National Liberation Army (TPNPB), babwiye BBC ko “afite umutekano”.
Ariko bavuga ko batazamurekura kugeza igihe ubwigenge bwa Papua y’Uburengerazuba buzemerwa.
Sebby Sambom, umuvugizi wa TPNPB, yatangarije BBC Indoneziya ati “Abagenzi batanu nabo bari mu ndege, barimo n’umwana, bararekuwe kubera ko ari Abanya-Papua kavukire”.
Abategetsi ba Indonesia bavuga ko barimo kohereza itsinda ry’ishakisha n’ubutabazi. Ariko abapolisi bavuze ko bigoye mu buryo bw’ibikoresho kuko aho hantu hashobora kugerwa gusa unyuze mu kirere.
Hagati aho, Minisitiri w’intebe wa Nouvelle-Zélande, Chris Hipkins, yatangaje ko ambasade y’iki gihugu i Jakarta “iri gukora kuri iki kibazo”. Minisiteri y’ububanyi n’amahanga yari yavuze mbere ko “izi neza” iki kibazo.
