Byibuze abantu batatu bishwe nyuma yo kuraswa n’umuntu witwaje imbunda muri Kaminuza ya Leta ya Michigan nk’uko byatangajwe na polisi .
Kimwe n’abantu batatu bishwe, abapolisi bavuze ko ukekwaho icyaha nawe asa nk’uwapfuye azize “igikomere cy’amasasu”.
Ku wa Mbere, abandi bantu batanu bakomerekeye mu gitero cyagabwe muri Campus nini mu mujyi wa East Lansing.
Polisi yavuze ko ukekwaho icyaha ari “umugabo w’umwirabura, mugufi mu gihagararo”. Mu gihe cyo kumuhiga, abanyeshuri ndetse n’abaturage baho basabwe kwihisha.
Nyuma polisi yaje kuvuga ko “nta kibazo kikiri mu kigo kandi kwihisha byavanyweho” nk’uko iyi nkuru dukesha BBC ivuga.
Bongeyeho ko ukekwaho icyaha “yasanzwe hanze y’ikigo”.
Bivugwa ko iraswa ryatangiye nyuma ya saa 20h00 ku isaha yo ku wa Mbere (01:00 GMT Ku wa Kabiri).
Abapolisi batabaye, basanze abahohotewe mu cyumba cya Berkey kiri mu gice cy’amajyaruguru y’ikigo, ndetse n’inyubako y’ubumwe ya Kaminuza ya Leta ya Michigan byegeranye.
