Israel yateye ibisasu mu karere ka Gaza nyuma y’uko Abanyapalestine barashe roketi nyinshi ziva mu gace kagoswe ku nkombe mu gihe hari umwuka mubi watewe n’igitero cya Israel cyahitanye nibura Abanyapalestine 11 mu mujyi wa Nablus wo muri West Bank .
Ibitero mu gitondo cyo kuri uyu wa Kane byohereje umwotsi wirabura uzamuka kuri kamwe mu turere twibasiwe mu majyaruguru y’umujyi wa Gaza.
Amasaha make mbere yaho, roketi zarashwe ziva mu karere ka Gaza zamurikiye ikirere nijoro maze bituma inzogera zivuzwa mu mijyi ya Sderot na Ashkelon yo muri Israel mu rwego rwo kuburira abaturage ngo bihishe.
Nta makuru yahise amenyekana y’abapfuye n’uko iyi nkuru kesha Al Jazeera ivuga.
Abatangabuhamya muri Palesitine bavuze ko babonye byibura roketi umunani zarashwe, mu gihe ingabo za Israel zavuze ko ari esheshatu.
Igisirikare cya Israel cyavuze ko uburyo bwo kurinda ikirere bwasamye roketi eshanu, mu gihe iya gatandatu yaguye mu gace kadatuwemo.
Nta tsinda rya Palesitine ryigeze ryigamba ibitero bya roketi byo ku wa Kane.
Igitero cya Nablus ni kimwe mu bikorwa bya Israel bikomeye muri West Bank kuva Intifada ya kabiri cyangwa imyivumbagatanyo yo muri Palesitine yo mu 2000-2005 yaba. Ku wa gatatu, abapfuye barenze abapfiriye mu gitero cya Israel mu kwezi gushize mu mujyi wa Jenin, mu majyaruguru.
