Nibura abantu 6 baguye mu mpanuka y’ubwato bwarohamye yabaye kuri uyu wa Mbere, itariki ya 3 Mata 2023 mu mazi y’Ikiyaga cya Kivu, hafi ya Kizigo, muri Teritwari ya Idjwi, muri Kivu y’ Amajyepfo .
Nk’uko byatangajwe na Moustapha, umuyobozi wa Teritwari ya Idjwi wemeje aya makuru mu binyamakuru byaho, ubwo bwato bwari butwaye abantu 150 bari bafite ibicuruzwa.
Amakuru amwe avuga ko harokotse 80 mu gihe abandi benshi baburiwe irengero kuri uyu munsi. Mu barokowe harimo abagore 3 n’abana 3. Ubu bwato bwari bwahagurutse ahitwa Mugote muri Sheferi ya Ntambuka bwerekeza mu Mujyi wa Goma.
Amakuru aturuka mu Kiyaga cya Kivu akaba asobanura ko iki kibazo cyatewe n’umuyaga ukaze wubitse ubwato. Ubushakashatsi bwo burakomeje.
