Mu ijoro ryo kuri uyu wa Gatatu, nibwo abantu benshi bari bategereje umukino w’ishiraniro hagati ya Arsenal na Manchester umukino waje kurangira ari ibitego 4-1 .
Uyu mukino waranzwe n’igitutu kinshi ku makipe yombi haba kuri Arsenal na Man. City kuko zose zirimo gukoza imitwe y’intoki ku gikombe.
Erling Haaland, Kevin De Bryune, ni bo nkingi za mwamba zabaye imbarutso y’intsinzi ku ruhande rwa Manchester City kuko umwe yagize uruhare rwo gutanga imipira ivamo ibitego akanatsinda n’undi biba uko.
Gusa ku ruhande rwa Haaland, akomeje kugaragaza ko ari umukinnyi wa shampiyona y’ubwongereza muri ba rutahizamu kuko amaze kugira ibitego 33 akaba ariwe umaze kweza agahigo mu irushanwa.
Byasabye iminota 7, kugirango De Bryune abe afunguye izamu ku ruhande rwa Man. City ndetse ku munota wa wa 47 atera kufura(Coup franc) isanga Stones ahagaze neza atsindisha umutwe.
Ku munota wa 54 w’igice cya kabiri Haaland yatanze umupira kuri Kevin ahita atsinda ikindi cye cya kabiri ariko kikaba ari icya 3 cya Man City.
Mu gihe gito Haaland yaje kubona umupira ahita aboneza mu izamu umuzamu wa Arsenal ahindukira asanga cyanyoye.
Uyu mukino ukomeje gushyira Arsenal mu kangaratete kuko gutsinda Manchester City byari kuyihesha amahirwe yo kuba yasatira igikombe, ariko kugeza ubu amahirwe ari gusubira inyuma bitewe n’uko amanota 5 arsenal yarushaga iyi kipe hasigaye abiri kandi yo ikaba igisigaranye imikino ibiri y’ibirarane.
