Polisi yavuze ko kuri uyu wa Gatandatu ushize umuntu witwaje imbunda yarashe akica abantu umunani agakomeretsa byibuze abandi barindwi mu isoko riba ryuzuye abantu mu majyaruguru y’Umujyi wa Dallas muri Leta Zunze Ubumwe za Amerika .
Umuyobozi w’igipolisi muri uyu mujyi, Brian Harvey, mu kiganiro n’itangazamakuru yatangaje ati: “Umuntu witwaje imbunda, abayobozi bavuze ko batekereza ko yabikoze wenyine kandi n’impamvu itaramenyekana, yishwe n’umupolisi nyuma y’uko atangiye kurasira hanze y’isoko rya Allen Premium Outlets i Allen, muri Texas.”
Umuyobozi w’ishami rishinzwe kurwanya inkongi muri Allen, Jon Boyd, yatangarije abanyamakuru ko ishami rye ryajyanye nibura abantu icyenda bishwe n’amasasu mu bitaro by’akarere nk’uko iy nkuru ukesha Reuters ivuga.
Babiri muri abo bantu bapfiriye mu bitaro, nk’uko Boyd yabitangaje mu kiganiro yagiranye n’abanyamakuru ku wa Gatandatu nijoro. Batatu mu bahohotewe bari bamerewe nabi abandi bane bari bameze neza.
Ubuvuzi bw’umujyi buyobora ibitaro 16 byo muri ako karere, mu itangazo ryabwo, bwatangaje ko ibigo byita ku bahuye n’ihungabana birimo kuvura umunani mu bakomeretse, bafite hagati y’imyaka 5 na 61.
