U Bufaransa bwabonye ijoro rya gatanu ry’imvururu, ubwo habaga imirwano ikomeye hagati y’abapolisi n’abigaragambyaga mu mujyi wa Marseille wo mu majyepfo y’igihugu .
Abantu bagera kuri 719 batawe muri yombi ijoro ryose, nyuma y’abasaga 1000 bafashwe mu ijoro ryabanje nk’uko tubikesha BBC.
Polisi ivuga ko abigaragambyaga mu majyepfo y’umujyi wa Paris bateye inzu y’umuyobozi w’akarere maze barasa roketi ku mugore we ndetse n’abana bato.
Izi mvururu zatangiye nyuma y’uko abapolisi kuwa kabiri ushize barashe umuhungu w’imyaka 17 ukomoka muri Algeria, Nahel, mu gace ka Nanterre mu nkengero za Paris.
