Umunyamahirwe mu mukino wa lotto muri Leta ya Florida, ho muri Leta Zunze Ubumwe za Amerika yahuje numero yose atsindira akayabo ka miliyari 1.58 z’Amadolari (miliyari 1.18 z’Amayero). Ni ku nshuro ya 3 mu mateka ya Amerika hatsindiwe amafaranga angana gutya mu mikino y’amahirwe
Itike yatsinze yagurishirijwe muri supermarket iherereye mu gace ka Neptune Beach mu majyaruguru ya Florida hafi y’Umujyi wa Jacksonville.
Gutoranya itike yatsinze byakurikiye gutoranya andi matike 31 kuva itike ya nyuma yatsindira akayabo k’amamiliyoni i New York kuwa 18 Mata.
Amahirwe yo gutsinda ubu yabarirwaga ku rugero rwa 1 kuri miliyoni 300. Imibare yatsinze ni 13, 19, 20, 32, 33 na 14 nk’uko iyi nkuru dukesha BBC ivuga.
Umwirondoro w’uwatsinze nturamenyekana. Amategeko ya Florida ategeka ko abatsindiye hejuru y’amadolari 250.000 cyangwa arenga bagirwa ibanga mu minsi 90 uhereye igihe ibihembo byatangiwe.
Ariko abategura tombora muri Florida bagomba gutangaza amazina yabo, umujyi batuyemo n’amafaranga batsindiye bakabimenyesha abandi bantu bose basaba amakuru.
Aderesi nk’umuhanda batuyeho cyangwa nimero za terefone ariko bikomeza kugirwa ibanga.
Kwishyura miliyari 1.58 y’amadolari yose bishoboka ku batsinze bahisemo kwishyurwa buri mwaka mu gihe cy’imyaka 30.
Abatsinze bashaka kwishyurirwa rimwe, bazahabwa miliyoni 783 z’amadolari, kandi ayo mafaranga atangirwa imisoro y’igihugu, hamwe n’imisoro ya leta mu bice byinshi by’Amerika.
