Abayobozi b’u Burusiya bashinje Ukraine kugaba igitero cya drone ku muturirwa uherereye mu murwa mukuru, Moscow, cyateje iturika ryumvikanye mu karere k’ubucuruzi muri uyu mujyi.
Meya Sergei Sobyanin yavuze ko ubwirinzi bw’ibitero byo mu kirere bwarashe iyo drone bukayimanura ibisigazwa byayo bikagwa mu kigo kiberamo imurikagurisha.
Ni kimwe mu bitero biheruka nk’ibi bya drone za Ukraine ku murwa mukuru w’u Burusiya nk’uko iyi nkuru dukesha BBC ikomeza ivuga.
Amashusho bitakunze kugenzura yashyizwe ku mbuga nkoranyambaga yagaragaje umwotsi mwinshi mu kirere cy’ijoro cya Moscow.
Ntacyo Ukraine yahise itangaza kuri iki gitero, ariko abayobozi muri Kyiv ntibigeze bemera ku mugaragaro kugaba ibitero ku bipimo runaka muri Moscow.
Iki gitero bikaba bivugwa ko cyabaye ahagana saa kumi z’urukerera ku isaha yo mu Burusiya (01:00 GMT) nk’uko Minisiteri y’Ingabo mu Burusiya yabitangaje ibinyujije ku muyoboro wa Telegram.
