Umutwe wa M23 wemeje ko waramukiye mu mirwano n’Ingabo za Repubulika Iharanira Demokarasi ya Congo, nyuma yo gutera ibirindiro byawo biri mu duce dutandukanye twa Teritwari ya Masisi.
Uyu mutwe wemeje aya makuru biciye mu butumwa Perezida wawo, Bertrand Bisimwa na Lawrence Kanyuka usanzwe ari umuvugizi wawo banditse ku mbuga zabo za X yahoze yitwa Twitter.
Aba bombi bemeje ko imirwano yatangiye mu rukerera (saa 04:30) rwo kuri uyu wa Gatatu tariki ya 4 Ukwakira 2023.
Ni nyuma y’uko FARDC n’imitwe yitwaje intwaro bakorana bateye M23 mu duce twa Tebero, Katovu, Kilorwire, Nturo, Burungu, Rugeneshi yose no mu bice bihakikije.
Bisimwa yavuze ko “imirwano iracyakomeje”, mbere yo gushinja Perezida FĂ©lix Antoine Tshisekedi wa Repubulika Iharanira Demokarasi ya Congo “guhitamo intambara aho guhitamo amahoro.”
Kugeza ubu biracyari kare kumenya niba hari uruhande rwagize icyo rutakariza muri iriya mirwano.
Impande zombi zaherukaga guhurira mu mirwano ikomeye ku Cyumweru tariki ya 1 Ukwakira 2023, muri Masisi.
Umuvugizi w’Igisirikare cya M23, Major Willy Ngoma aheruka kubwira BWIZA TV ko imirwano yo ku Cyumweru yasize umutwe abereye umuvugizi uhaye isomo rikomeye FARDC n’abo bakorana, barimo umutwe wa FDLR.
Major Ngoma mu gitondo cy’uyu wa 4 Ukwakira 2023 kandi, yatangaje ko imirwano ikomeje.
3 Responses
M23 iramukiye mu yindi mirwano na FARDC
Kurwanya inyeshyamba ningombwa,M23 ninyeshyamba,nibazirwanye kukibi nivyiza rwose.
M23 iramukiye mu yindi mirwano na FARDC
Wowe John reka urwango rukurimo wibuke ko M23 irwanirira imiryango yabo yabujijwe uburenganzira mu gihugu cyabo DRC.
M23 iramukiye mu yindi mirwano na FARDC
Kurwanya inyeshyamba ningombwa,M23 ninyeshyamba,nibazirwanye kukibi nivyiza rwose.