Ibifaru bya Israel byatangiye kurundwa ku ruzitiro rw’umupaka na Gaza mu gihe ibikorwa bya gisirikare bikomeje kandi ibisasu bikomeje gusukwa kuri Palesitine.
Ibihumbi n’ibihumbi by’Abanyapalestine bavanwe mu byabo nyuma y’uko Israel isabye abaturage miliyoni 1.1 batuye mu majyaruguru ya Gaza kwimukira mu majyepfo mu gihe igitero cyo ku butaka gikomeje gutegurwa.
Nibura Abanyapalestina 2,329, barimo abana 724, baguye mu bitero by’indege bya Israel. Umubare w’Abanya-Israel bishwe mu gikorwa cya gisirikare cya Hamas ugeze ku 1300, harimo n’abasirikare 286 nk’uko tubikesha Al Jazeera.
Igisirikare cya Israel kivuga ko cyibasiye ibipimo muri Liban nyuma y’igitero cya misile cy’abarwanyi ba Hezbollah cyahitanye umuntu ku butaka bwayo. Bije mu gihe Iran yaburiye Israel iyisaba guhagarika “ibyaha by’intambara” byibasiye Gaza.
Ubwato butwara indege z’intambara bwa Amerika, USS Dwight D Eisenhower Carrier Strike Group nabwo bwinjiye muri Mediterane busanga ubundi bwa USS Gerald R Ford, mu rwego rwo kwitegura gushyigikira Israel.
