Minisiteri y’ubuzima muri Gaza iravuga ko abantu 9.061 bamaze kwicirwa muri Gaza kuva imirwano yatangira kuva ku itariki ya 7 Ukwakira ubwo Hamas yagaba ibitero simusiga kuri Israel.
Abaganga batagira umupaka bavuga ko abantu barenga 20.000 bakomeretse bakigotewe mu karere ka Gaza nk’uko iyi nkuru dukesha BBC ivuga.
Kugeza ubu ku wa Kane, bivugwa ko abandi baturage bagera ku 100 bavuye muri Gaza banyuze ku mupaka wa Rafah kandi Loni ivuga ko abantu barenga 400 bahavuye ejo.
Abandi bantu benshi bafite pasiporo z’amahanga amazina yabo yashyizwe ku rutonde rwemewe rwo kuva muri Gaza uyu munsi.
Minisitiri w’ingabo muri Israel avuga ko ingabo za Israel zarashe ibisasu birenga 10,000 mu Mujyi wa Gaza kuva amakimbirane yatangira.
