Guverinoma ya Sierra Leone kuri iki Cyumweru yatangaje isaha ntarengwa yo gutaha mu gihugu hose nyuma y’uko abantu bitwaje intwaro batamenyekanye bagabye igitero mu kigo cya gisirikare bagerageza kwinjira mu bubiko bw’intwaro mu murwa mukuru Freetown.
Guverinoma mu itangazo ryayo yavuze ko abashinzwe umutekano ari bo bagenzura iki kibazo nk’uko bitangazwa na Reuters.
Minisitiri w’itangazamakuru Chernor Bah muri iryo tangazo yagize ati: “Mu rukerera rwo ku Cyumweru, abantu bamwe batamenyekanye bagerageje kwinjira mu bubiko bw’intwaro za gisirikare mu kigo cya Wilberforce. Basubijwe inyuma.”
Iri tangazo ryongeyeho riti: “Mu gihugu hose hatangajwe ko isaha yo gutahiraho ihita itangira gukurikizwa mu gihugu hose. Turagira cyane abaturage inama yo kuguma mu ngo.”
