Inteko Ishinga Amategeko, Umutwe w’Abadepite muri Amerika, yatoye ko hatangira iperereza kuri Perezida Joe Biden rishobora kuganisha ku kumuhatira kwegura ku mirimo ye nubwo bisa nk’ibitoroshye.
Abadepite batoye bashyigikira umwanzuro abarepuburikani bavuga ko uzabaha imbaraga zisumbuye zo gukusanya ibimenyetso no gukurikiza icyo amategeko ateganya.
Komite eshatu ziyobowe n’Abarepubukani zivuga ko haba harakozwe ibyaha bya ruswa ruswa igihe Biden yari visi-perezida nk’uko iyi nkuru dukesha BBC ivuga.
Ariko kugeza ubu ntiziragaragaza ibimenyetso byerekana amakosa, kandi Biden yagize ati “abandwanya barantera bitwaje ibinyoma”.
Inteko Ishinga Amategeko ya Amerika, umutwe w’Abadepite ufitwe mu biganza n’Abarepubulikani kuko bafitemo ubwiganze, kuri uyu wa Gatatu, itariki 13 Ukuboza 2023 rero, watoye umwanzuro wo gukora iperereza kuri Perezida Biden ku majwi 221 kuri 212.
Gutora kugira ngo hakorwe iperereza ntabwo ari kimwe no gutora “impeachment”, ariko bigaragaza ko Inteko amaherezo izashaka gushinja Perezida Biden.
Mu itangazo rye, Perezida w’Inteko Ishinga Amategeko, Umutwe w’Abadepite, Mike Johnson, yavuze ko uru rwego “rutazabangamira ibizava mu iperereza” ariko “ibimenyetso bidashobora kwirengagiza”.
Iperereza rya nyayo riganisha ku kweguza umukuru ‘iigihugu itorwa n’imitwe yombi y’inteko ishnga amategeko (Abadepite n’Abasenateri), rishobora kubera iteshamutwe rikomeye kuri perezida mu gihe Leta Zunze Ubumwe za Amerika zegereje amatora yo mu 2024.
Ariko, nubwo Abadepite bashaka guhitamo gushinja perezida, Sena iyobowe n’Abademokarate byanze bikunze izamugira umwere.
