Najib Balala wahoze ari Minisitiri w’ubukerarugendo muri Kenya yatawe muri yombi azira ruswa ivugwa ko irimo miliyari 8.5 z’amashiringi ya Kenya (hafi miliyoni 54 $).
Abashinzwe iperereza muri komisiyo ishinzwe imyitwarire no kurwanya ruswa bataye muri yombi mu rwego rwo gukora iperereza ku kwishyura mu buryo budasanzwe miliyari 8.5 z’amashiringi ya Kenya yagenewe kubaka ishuri rikuru rya Utalii mu Ntara ya Kilifi mu birometero 523 uvuye ku murwa mukuru Nairobi, nk’uko umuvugizi wa komisiyo, Eric Ngumbi yabwiye abanyamakuru kuwa Gatanu.
Ngumbi yavuze ko Leah Gwiyo wahoze ari umunyamabanga mukuru muri Minisiteri y’Ubukerarugendo, na we yatawe muri yombi.
Yongeyeho ati: “Bazajyanwa mu mujyi wa Malindi kugira ngo bakurikiranwe aho ubushinjacyaha bwemeje ibyifuzo byacu.”
Aba bombi bitabye imbere y’umucamanza mukuru wa Malindi, James Mwaniki, bahakanye ibyo baregwa maze barekurwa ku ngwate ya miliyoni 5 y’impapuro mvunjwafaranga ndetse banatanga miliyoni imwe y’amashilingi cash nkuko tubikesha businessdaily.
Najib Balala, umuntu ukomeye muri politiki ya Kenya, yagize umwuga wa politiki muremure kandi utandukanye. Yabaye minisitiri w’ubukerarugendo imyaka 12, kuva 2008 kugeza 2012, hanyuma yongera kuva muri 2015 kugeza 2018, akorana na guverinoma eshatu.
