Komisiyo y’Ubumwe bw’Abanyarwanda, Uburenganzira bwa Muntu no Kurwanya Jenoside iri kuganira na Ministiri w’Ubutabera Ugirashebuja Emmanuel ku bibazo birebana n’ubutabera byabajijwe kuri raporo ya Komisiyo y’Igihugu y’Uburenganzira bwa Muntu y’ibikorwa by’umwaka wa 2022-2023.
Kugabanya umubare w’imanza zitinda gufatwaho umwanzuro, ubucucike mu magororero ni bimwe mu bibazo byaganiriweho muri iki gikorwa cyo kuri uyu wa Kane, itariki 7 Gashyantare 2024.
Minisitiri Ugirashebuja yatangaje ko mu gukemura ibi bibazo, hari kwiga uburyo bwo kuburanisha zimwe mu manza z’ibyaha byoroheje hifashishijwe abacamanza bigenga.
