Kuri uyu wa Mbere, itariki 8 Mata, Minisitiri w’Ingabo w’u Bubiligi, Hon Ludivine Dedonder, aherekejwe n’intumwa zirimo Umuyobozi Wungirije w’Ingabo z’u Bubiligi, Lt Gen Aviateur Frederik Vansina, yasuye icyicaro gikuru cy’Ingabo z’u Rwanda. Bakiriwe na Minisitiri w’Ingabo, Juvenal Marizamunda, n’Umugaba Mukuru w’Ingabo za RDF, Gen. MK Mubarakh.
Mu biganiro byabo, havuzwe ku ngingo zitandukanye, cyane cyane zibanze ku kuzamura ubufatanye busanzwe hagati y’Igisirikare cy’u Bubiligi n’icy’u Rwanda.
Mbere yo kubonana na Minisitiri w’ingabo n’Umugaba wa RDF, abashinzwe umutekano mu Bubiligi, Minisiteri y’ingabo y’u Rwanda MoD n’abayobozi bakuru muri RDF bunamiye abasirikare 10 b’Ababiligi bishwe mu masaha ya mbere ya Jenoside yakorewe Abatutsi mu 1994.
Ibi birori byabereye ku Rwibutso rw’ingabo zo kubungabunga amahoro rw’Ababiligi. (ahahoze ari Camp Kigali).
