Ikipe ya Kiyovu Sports yatsinze APR FC igitego kimwe ku busa (1-0 ) mu mukino wo ku munsi wa kane wa shampiyona y’igihugu y’umupira w’amaguru mu cyiciro cya mbere mu Rwanda.
Ni umukino wabaye kuri uyu wa Gatanu tariki ya 17 Ukwakira 2017 wabereye kuri sitade ya Mumena. Ikipe ya Kiyovu Sports yashyize igitutu kuri APR FC maze umukino urangira ari igitego kimwe cya Kiyovu cyatsinzwe na Mustapha Francis ku munota wa 33 w’umukino, bitewe n’amakosa ya Kimenyi Yves wa APR fc.
Kiyovu Sports yaherukaga gutsinda APR FC mu mwaka w’ 2005. By’umwihariko umutoza Cassa Mbungo utoza Kiyovu yaherukaga gutsinda APR FC mu 2014 atoza AS Kigali.
[xyz-ihs snippet=”google-pub”]
Kiyovu yatsinze umukino wa mbere muri shampiyona ari nawo iheruka gukinira kuri iki kibuga ubwo yatsindaga Musanze FC 1-0, mbere yo gutsindwa na Rayon Sports 2-0 na Miroplast 2-1.
Ku ruhande rwa APR FC ya mbere kugeza mbere y’uyu mukino yatsinze Sunrise FC 2-0, inganya na Marines FC 1-1 mbere yo gutsinda AS Kigali 2-1.
Uko imikino iteganyijwe ku yandi makipe
Kuwa Gatandatu
Rayon Sports vs Kirehe FC (Stade de Kigali)
Sunrise FC vs Etincelles FC (Nyagatare)
Amagaju FC vs Mukura VS (Nyagisenyi)
Marines FC vs Espoir FC (Stade Umuganda)
Ku Cyumweru
AS Kigali vs Gicumbi FC (Stade de Kigali)
Musanze FC vs Police FC (Stade Ubworoherane)
Miroplast FC vs Bugesera FC (Mironko Stadium)
Ntakirutimana Deus/Bwiza.com
