Igurwa rya Coutinho rihinduye amateka mu ikipe ya FC Barcelona

FC Barcelona iguze Philippe Coutinho ihita yandika amateka yo kugura umukinnyi uhenze, nyuma y’igihe gito nabwo igurishije undi ubu uyoboye urutonde rw’abakinnyi baguzwe menshi.
Philippe Coutinho ukomoka mu gihugu cya Bresil, yatanzweho akayabo ka miliyoni 145 z’amapawundi ava muri Liverpool FC bityo aca agahigo ko kuba umukinnyi uguzwe menshi mu mateka y’iyi kipe, ndetse ahita aba uwa kabiri ku rutonde rw’abakinnyi 10 baguzwe menshi bava mu kipe imwe berekeza mu yindi nyuma ya Neymar Santos Junior.
Philippe Coutinho umunya-Brézil w’imyaka 26, yakiniraga Liverpool FC yo mu Bwongereza, uyu mukinnyi yasinye amasezerano y’imyaka 5 aho azamugeza mu 2023.
Uyu mukinnyi abaye uwa kabiri uguzwe amafaranga menshi mu isi ya ruhago nyuma ya mugenzi we bakomoka mu gihugu kimwe, Neymar waguzwe akayabo ka miliyoni 200 z’ama-pound ava muri FC Barcelona yerekeza muri Paris Saint Germain.
[xyz-ihs snippet=”google-pub”]
Urutonde ry’abakinnyi 10 baciye agahigo ko kugurwa menshi:
1.Neymar, Barcelona – PSG, £198m
2.Philippe Coutinho (2018) Liverpool – Barcelona, £145m
3.Ousmane Dembele (2017) Borussia Dortmund – Barcelona, £97m
4.Paul Pogba (2016) Juventus – Manchester United, £89m
5.Gareth Bale (2013) Tottenham – Real Madrid, £86m
6.Cristiano Ronaldo (2009) Manchester United – Real Madrid, £80m
7.Gonzalo Higuain (2016) Napoli – Juventus, £75.3m
8.Romelu Lukaku (2017) Everton – Manchester United, £75m
9.Virgil van Dijk (2018) Southampton – Liverpool, £75m
10. Luis Suarez (2014) Liverpool- Barcelona, £75m