Nk’uko bitangazwa n’ikinyamakuru ABC, icyamamare muri ruhago, Cristiano Ronaldo ukinira ikipe ya Real Madrid yo muri Espagne, mu mpeshyi y’uyu mwaka yiteguye kugirana ibiganiro bigamije kwongererwa umushahara ukagera kuri miliyoni 30 z’amayero.
Iyi kipe ngo ishobora kumwongerera umushahara kugirango uyegayege uw’abandi bakinnyi b’ibyamare ku Isi nka Lionel Messi n’abandi.
Ikinyamakuru ABC gikomeza gitangaza ko uyu mukinnyi atigeze ateganya kuva muri iyi kipe mu mpera y’iki sezo. Ikindi ni uko yifuza kwongera kontaro agakomeza kugaragara kuri sitade ya ‘Santiago Bernabéu’ ya Real Madrid.
Mu mpeshyi itaha nibwo biteganijwe ko ubuyobozi bw’ikipe n’abahagarariye Cristiano Ronaldo bazagirana ibiganiro byo kurebera hamwe uko hazamurwa umushahara w’uyu mukinnyi ukagera kuri miliyoni 30 z’amayero ku mwaka.
Mu mpera z’ukwezi gushize nibwo Ronaldo yakuyeho urujijo rw’amakuru yavugaga ko yaba agiye kuva muri Real M. aho yagize ati ” Nageze muri uyu mujyi kuva mu 2009, nkunda ikirere cyaha n’abaturage,… Espagne ni igihugu kiza, ndagikunda, ku bw’iyo mpamvu nifuza kuguma hano, nkunda iyi kipe (Real Madrid).
Ronaldo ni rutahizamu ubica bigacika muri Real Madrid no mu ikipe y’igihugu ya Portugal, mu mwaka wa 2009 nibwo ikipe Man Utd yamugurishije na R.Madrid, ubu akaba amaze gutwara Ballon d’Or inshuro 5.
Kanda kuri Subscribe uzajye ubona ibiganiro, indirimbo kandi bishya mu mashusho
