Willian Borges da Silva, ukomoka muri Brezil akaba akinira ikipe ya Chelsea, avuga ko n’ubwo Neymar yavuye muri FC Barcelona, ko nta kintu cyahindutse mu mikinire y’iyi kipe.
Nk’uko ikinyamakuru Goal kibitangaza, Willian yatangaje ibi nyuma y’umukino wabaye ku mugoroba wo ku wa 20 Gashyantare 2018 wa Champions League, waje kurangira ari igitego kimwe ku kindi hagati y’aya makipe ( FC Barcelona 1-1 Chelsea FC).
Uyu musore w’imyaka 29 y’amavuko ukina mu kibuga hagati, avuga ko Neymar ari umukinnyi mwiza w’umuhanga, ariko ngo kuba yaragiye akava muri FC Barca akajya muri PSG, hasigaye ibindi bihangange bifasha ikipe gukomera, nka Messi, Suarez, Iniesta,…
Ati “Ndakeka ko Barà§a yasigaye ari Barà§a, n’ubwo nta Neymar. Yego Neymar ni umukinnyi ukomeye ariko bafite Messi, Andres Iniesta na Suarez, bafite abakinnyi beza cyane, rwose Barà§a ni ikipe ikomeye cyane”.
Willian na Neymar bombi ni abasore bakina ku mugabane w’i Burayi, bakaba bakomoka muri Brezil ndetse bakanakinira ikipe y’igihugu cyabo y’umupira w’amaguru.
Kanda Subscribe ujye ubona Video zigezweho
