FC Barcelona, ikipe ikina muri shampiyona ya Esipanye irahura na Las Palmas kuri uyu wa kane, tariki ya 1 Werurwe, 2018. Aya ni amakipe afite icyo ahuriyeho kinini dore ko hari abakinnyi 10 bambaye imyenda y’aya makipe yombi mu bihe byashize ndetse n’ubu hakaba hari abakirimo.
Abo bakinnyi ni aba bakurikira:
- TOMAS MORENO.
Yari rutahizamu wa FC Barcelona kuva 1951 kugeza 1955. Nyuma y’uyu mwaka yerekeje muri Las Palmas, ahakina umwaka umwe.
- VICENTE GONZALEZ
Yakinaga ku ruhande( winger). Yavuye muri Las Palmas ajya muri FC Barcelona ayikinira kuva 1961-1966. Yakinnye imikino 124, atsindamo ibitego 21.
- JOAN TORRENT
Yakinnye hagati mu ikipe ya Barcelona kuva 1961-1968, imyaka itatu yayikinnye nk’inguzanyo muri Las Palmas. Torrent yakiniye Barcelona imikino 44, nyuma aza kuba umutoza w’abana.
- GERARDO MIRANDA
Yatangiriye anasoreza umwuga we muri Las Palmas kuva 1981-1988 ariko yari inguzanyo ya Barcelona.
- JULEN LOPETEGUI
Uyu mutoza w’ikipe y’igihugu ya Esipanye, yabaye umuzamu wa FC Barcelona kuva 1994-1997. Yagiyemo yari avuye muri Las Palmas yakiniye umwaka 1988/1989.
- PITU COMADEVALL
Yakiniye ikipe ya kabiri ya Barcelona( Barcelona B), aza no gukina iminota 31 ku munsi wa nyuma wa shampiyona i Bilbao. Yerekeje muri Las Palmas, aza kuhakino imyaka 2.
- ROBERTO TRASHORRAS
Yakinnye hagati muri Barcelona B, aza gukinira ikipe nkuru muri Champions League mu 2001 bahuye n’ikipe ya Wisla Krakow. Yerekeje muri Las Palmas ayikinira kuva 2006-2008.
- SERGIO ARAUJO
Uyu rutahizamu uvuka mu gihigu cya Argentine yakiniye Barcelona 2012/2013, ayitsindira ibiytego 7 mu mikino 34 harimo n’ibiri bakinnye n’ikipe ya kabiri ya Real Madrid. Ubu akinira AEK Athens, na we yanakiye Las Palmas.
- ALEN HALILOVIC
Yakiniye Barcelona B 2014/2015, akina na Copa del Rey mu ikipe nkuru ku mukino wari wabahuje na Elche. Ubu akinira Las Palmas, akaba yarayitsindiye igitego kimwe, atanga n’umupira uvamo igitego umwe.
- SERGI SAMPER
Yakiniye ikipe ya FC Barcelona kuva mu 2014-2017, ajya muri Las Palmas nk’inguzanyo mu gihe cy’igura n’igurisha ryarangiye ku wa 31 Kanama, 2017. Ubu yagarutse i Catalogna n’ubwo agifite ikibazo k’imvune.
