Abagenzi bagera kuri 300 bari mu bwato bwitwa ‘Emmanuel 3’ baheze rwagati mu kiyaga cya Kivu, ku ruhande ruherera muri Repubulika ya demukarasi ya Congo bitewe na moteri yabwo itari gukora.
Umwe muri aba bagenzi yatangaje ko ubu bwato bwavaga mu mujyi wa Bukavu bwerekeza i Goma bwagize iki kibazo ku gicamunsi cyo kuri uyu wa 21 Nyakanga 2023.
Kugeza mu kanya mu masaa kumi, imihangayiko yari yose mu bagenzi bari muri ubu bwato kuko batari bakabonye ababatabara, ngo bave muri iki kiyaga.
Uyu mugenzi yagize ati: “Moteri y’ubwato Emmanuel 3 yapfuye bugeze rwagati mu kiyaga cya Kivu. Abagenzi bose turi kumwe barahangayitse. […] Nta butabazi buratangwa.”
Ikiyaga cya Kivu gihuza RDC n’u Rwanda. Akenshi mu gihe ibihugu bibanye neza, ababituye bifashisha inzira z’amazi ku mpande zombi mu ngendo za buri munsi.
One Response
Abagenzi 300 baheze hagati mu kiyaga cya Kivu
Dukunda amakuru muduha