Abakinnyi batatu b’ikipe ya Arsenal y’abagore, barimo Katie McCabe, Caitlin Foord na Laia Codina, bageze mu Rwanda kuri uyu wa Mbere, tariki ya 8 Nyakanga 2025, mu rugendo rw’iminsi ine ruzageza ku wa 11 Nyakanga 2025.
Mu gitondo cyo kuri uyu wa kabiri nibwo aba bakinnyi bageze mu Rwanda aho uru rugendo rugamije kumenyekanisha u Rwanda nk’Igihugu nyaburanga binyuze muri gahunda ya Visit Rwanda.
Aba bakinnyi bazasura Pariki y’Igihugu ya Akagera, ndetse banamenye byinshi ku muco, amateka n’iterambere ry’u Rwanda.
Ubufatanye bwa Arsenal n’u Rwanda bwatangiye muri Gicurasi 2018, aho ikipe ya Arsenal yambara ijambo Visit Rwanda ku kuboko kw’ibumoso ku myenda y’ikipe nkuru y’abagabo, iy’abagore ndetse n’iy’abatarengeje imyaka 23.
Ibi bikorwa bikomeje gufasha u Rwanda kwigaragaza ku rwego mpuzamahanga binyuze mu mikoranire n’amakipe akomeye ku isi.
