Guverineri w’Intara y’Iburasirazuba, CG Gasana Emmanuel n’uw’iy’Amajyepfo, Kayitesi Alice barahura na bagenzi babo bo mu Burundi, bagirane ibiganiro bigamije kuzahura umubano w’ibihugu byombi.
Iyi nama irabera ku mupaka wa Gasenyi-Nemba ahaherera mu Karere ka Bugesera, kuri uyu wa 25 Ukwakira 2021.
Ba Guverineri bo mu Burundi bitabira iyi nama ni uw’Intara ya Kirundo na Muyinga (imwe iri mu majyaruguru, indi mu burasirazuba).
Ikiganiro kirahuza aba bayobozi kiraba gikurikiye igiherutse guhuriza ku mupaka wa Ruhwa Guverineri w’Intara y’Uburengerazuba, Habitegeko François n’uw’iya Cibitoke, Bizoza Carême, tariki ya 15 Ukwakira 2021.
