Abantu 13 barimo 11 b’inyeshyamba za Maà¯-Ma௠n’abasirikare ba Leta ya Congo babiri, basize ubuzima mu mirwano yabahuje ku wa Gatanu tariki ya 6 Mata 2018.
Nk’uko bitangazwa n’umuyobozi wungirije w’agace ka Kalemi iyi mirwano yabereyemo, Franklin Yakani, avuga ko hagabwe iki gitero mu rwego rwo kumenesha izi nyeshyamba muri aka gace gakungahaye ku butunzi bw’amabuye y’agaciro.
Abasirikare ba Leta baturuka muri burigade ya 31 ya gisirikare i Mambasa, bagabye igitero kuri izo nyeshyamba ahagana saa kumi z’igitondo (04:00 ).
Nk’uko radiyo Okapi ibitangaza, Franklin Yakani yemeje ko inyeshyamba 3 zafashwe mpiri na FARDC hamwe n’imbunda eshanu zo mu bwoko bwa AK47, umwe mu bofisiye bo muri iyi burigade akaba yatangarije iyi radiyo ko ibitero bikomeje kugirango izi nyeshyamba zihameneshwe burundu.
Imirwano yabaye mu gihe umugaba mukuru w’ingabo za Congo, Gen Didier Etumba kuva Ku wa Gatanu yari yagiriye uruzinduko muri Ituri, mu Ntara ya Kisangani.
Kanda kuri SUBSCRIBE ujye ubona ibiganiro n’indirimbo bishya
