Kuri uyu wa 11 Mata 2017, Abanyarwanda baba mu gihugu cy’u Buhinde bifatanyije n’abayobozi bo muri kiriya gihugu kwibuka ku nshuro ya 23 Jenoside yakorewe Abatutsi muri Mata 1994, mu gikorwa cyabereye mu mujyi wa Dalhi.
[xyz-ihs snippet=”google-pub”]
Binyuze ku rukuta rwa Twitter rwa Ambasade y’u Rwanda muri kiriya gihugu, abadipolomate bo mu bihugu bitandukanye bateraniye muri uyu muhango wo kwibuka wabereye mu murwa mukuru wa kiriya gihugu bifatanya n’abanyarwanda babayo.
Ambasaderi wa Repubulika ya Dominikani, Castellanos yagize ati”nifatanyije cyane n’igihugu cy’u Rwanda, igihugu cy’intangarugero mu bumwe n’ubwiyunge.”
Naho Bishop Giambatista Diquattro uhagarariye itorero rya Apostoric Noncio we mu isengesho rye akaba yazirikanye cyane abazize Jenoside yakorewe Abatutsi muri Mata 1994.
[xyz-ihs snippet=”google-pub”]
Uyu muyobozi yakomeje asaba abantu kwita ibyabaye mu Rwanda izina ryabyo, ko kwita Jenoside yakorewe Abatutsi irindi zina ari ugupfobya.
Kimwe n’abandi banyepolitike batandukanye bari bitabiriye uyu muhango, bagarutse cyane ku ruhare rw’u Rwanda mu kwimakaza ubumwe n’ubwiyunge ndetse no kwiyubaka bityo banasaba abayobozi b’u rwanda gukomeza gutera intambwe nziza batangiye.
Kanda hano ujye ubona amakuru yihuse kandi kugihe kuri Facebook no kuri twitter
Nsengimana@Bwiza.com
