“Amatora yaba cyangwa ataba, tuzaba tugeze ku musozo wa manda ya Tshilombo kandi agomba kugenda! “, ibi ni ibyatangajwe na Ferdinand Kambere (uri ku ifoto), umunyamabanga uhoraho wungirije wa PPRD, ishyaka rya Joseph Kabila .
“Nta bwumvikane, nta matora!”
Ferdinand Kambere akomeza agira ati: “Ntabwo tuzi ko iyo CENI (komisiyo y’amatora n’abayobozi bayo) bazi ko bakora nta ruhushya rw’abafatanyabikorwa bose. Iyobaba bemewe, ndizera ko ikintu cya mbere cyari kuba ari ugutangaza ingengabihe y’amatora, ”
Ati: “Ni gute bashobora gutegura amatora badafite abaturage?”
Ati “Ntushobora guteza akajagari mu Burasirazuba kandi wizera ko ushobora gutegura amatora gusa i Kinshasa. Ndetse no muri Kinshasa, sinzi uzitabira (iyo tubona) abadepite babyibuhijwe n’amafaranga ya Leta kandi nta kintu kiri mu kigega cy’igihugu ”.
UDPS yo iremeza ko Felix Tshisekedi azongera gutorwa
Avugana na Top Congo ubwo yari mu Ntara ya Tshopo, Jacquemain Shabani, ukuriye komisiyo ihoraho y’amatora y’ishyaka UDPS rya Tshisekedi, yagize ati: “Dufite ibibazo 2 bikomeye. Icya mbere ni ukongera gutorwa kwa Perezida Félix Tshisekedi. Icya kabiri ni, ku rwego rw’inteko zitandukanye na sena, kugira ngo bagere ku manota ahagije atwemerera kugira ubwiganze buhagije.”
Yakomeje agira ati: “Turashaka kugira amakipe ahuye (CEP) mu turere twose tw’amatora, ni ukuvuga intara 145, imijyi 33 tutibagiwe na diaspora ya Congo”.
Yongeyeho ko muri Nzeri, basohoye itangazo ryo gushyiraho komisiyo z’amatora mu nzego z’ibanze, aho, bari mu rwego rwo kwizera ko komisiyo zinyuranye zabonye iyi nyandiko kugira ngo bazabe biteguye mbere y’igikorwa cya mbere gikomeye cy’amatora yo mu 2023 ari cyo kwandikwa abatora.
