Ikipe y’Igihugu ‘Amavubi’ yagumye ku mwanya wa 127 ku Isi, ku rutonde ngarukakwezi rwa FIFA rwerekana uko ibihugu bihagaze mu mupira w’amaguru.
Amavubi yagumye kuri uyu mwanya nyuma y’uko mu mikino ibiri y’ijonjora ryo gushaka itike y’Igikombe cy’Isi aheruka gukina yatsinzwe na Super Eagles ya Nigeria igitego 1-0, ariko na yo agatsinda Zimbabwe igitego 1-0.
Urutonde rushya rwasohowe kuri uyu wa Kane rwasize ikipe y’Igihugu ya Espagne yisubije umwanya wa mbere ku Isi yaherukaga muri 2014, nyuma yo guhigika Argentine yari imaze imyaka ine ari iya mbere ku Isi.
Iyi Argentine iheruka gutsindwa na Ecuador yahise ijya ku mwanya wa gatatu ku Isi, inyuma y’u Bufaransa bwa kabiri.
Kugeza ubu ibihugu 10 bya mbere ku Isi ni Espagne, u Bufaransa, Argentine, u Bwongereza, Portugal, BrĂ©sil, u Buholandi, u Bubiligi, Croatie n’u Butaliyani.
Nyuma yo kuba igihugu cya mbere cya Afurika cyakatishije itike yo gukina Igikombe cy’Isi cya 2026, Maroc iracyayoboye uyu mugabane ikanaba ku mwanya wa 11 ku Isi, igakurikirwa na SĂ©nĂ©gal ya 18, Misiri ya 35, AlgĂ©rie ya 38, CĂ´te d’Ivoire ya 44, Nigeria ya 45, Tunisie ya 46, CamĂ©roun ya 52, Mali ya 56 na Repubulika Iharanira Demokarasi ya Congo ya 60.
Mu bihugu byo mu karere Uganda ni yo iza imbere dore ko iri ku mwanya wa 82 ku Isi, igakurikirwa na Tanzania ya 107 na Kenya ya 111.
U Burundi bwo buri ku mwanya wa 141, nyuma yo kumanukaho imyanya ibiri.
