Leta Zunze Ubumwe za merika zirateganya gutangaza inkunga ya gisirikare ya miliyari 3 z’Amadolari kuri Ukraine kuri uyu munsi igihugu cyizihiza Umunsi w’Ubwigenge ndetse n’amezi atandatu ashize gitewe n’u Burusiya.
Itangazo rya White House riteganyijwe kuri uyu wa Gatatu mu masaha akuze nk’uko byemejwe n’umuyobozi muri Amerika, nyuma yaho Washington itanze umuburo ivuga ko u Burusiya buteganya kugaba ibitero ku bikorwaremezo bya gisivili n’ibya leta muri iyi minsi.
Iyi nkunga nshya ya gisirikare izafasha Ukraine kubona izindi ntwaro, amasasu n’ibindi bikoresho igisirikare gikeneye nk’uko byatangajwe na Associated Press.
Iyi ni yo nkunga izaba ije ingunga imwe nini igisirikare cya Ukraine kizaba gihawe na Leta Zunze Ubumwe za Amerika nyuma y’inkunga ya miliyari zisaga 10 zimaze guha iki gihugu kuva intambara yatangira muri Gashyantare.
